Mrunal thakur initial struggles
మృణాల్ ఠాకూర్… అంటే తెలియకపోవచ్చు… కానీ సీతారామం హీరోయిన్ అంటే టక్కున గుర్తుపడతారు తెలుగు ఆడియన్స్. దుల్కర్ సల్మాన్ హీరోగా నటించిన సీతారామం 2022 ఆగస్టు 5న విడుదల మంచి విజయాన్ని సొంతం చేసుకుంది. ఈ సినిమా సక్సెస్ తో మృణాల్ తెలుగులో వరుస అవకాశాలతో దూసుకుపోతుంది. సీతారామంతో తెలుగు ప్రేక్షకులను ఫిదా చేసిన బ్యూటీ మృణాల్ ఠాకూర్. బాలీవుడ్ లోనూ తనకంటూ మంచి గుర్తింపు తెచ్చుకున్న మృణాల్ సోషల్ మీడియాలో ఎప్పుడూ యాక్టివ్ గా ఉంటుంది.
ఈ మధ్యనే మృణాల్ మెర్సిడెస్ బెంజ్ ఎస్ క్లాస్ సెడాన్ లగ్జరీ కారును కొన్నట్లు తెలుస్తోంది. సీతారామం సినిమా తర్వాత మృణాల్ తెలుగులో నాని సరసన ‘హాయ్ నాన్న’ అనే పాన్ ఇండియా సినిమా చేస్తోంది. ఈ సినిమా డిసెంబర్ 21న గ్రాండ్గా విడుదల కానుంది. మరాఠీ, హిందీ సీరియల్స్ నటిస్తుండగా అమ్మడికి సినిమాల్లో చేయాలని బాగా కోరిక ఉండేదట. హీరోయిన్ అయిపోవాలని కలలు కనేదట.
ఈ క్రమంలోనే ప్రయత్నాలు చేస్తుండగా చాలామంది నీకేం నటన వస్తుందని హేళనగా మాట్లాడేవారట. నువ్వు సీరియల్ యాక్టర్ వి హీరోయిన్ అయిపోదామని కలలు కంటున్నావా అంటూ చాలా చీప్ గా చూసేవారట. ఈ అవమానాలను భరించలేక సూసైడ్ చేసుకోవాలని అనుకుందట. కానీ ఇండస్ట్రీలో దశాబ్దం పాటు పోరాటం చేసి సీతారామం సినిమాతో కెరీర్లో తొలి బ్లాక్ బస్టర్ అందుకుంది. ఈ సినిమాతో మృణాల్ ఠాగూర్ కెరీర్ లో తిరిగి చూసుకునే పనిలేని విధంగా దూసుకుపోయింది.
Check Filmify for the most recent movies news and updates from all Film Industries. Also get latest tollywood news, new film updates, Bollywood Celebrity News & Gossip at filmify