అఖండ సినిమాతో బ్లాక్ బస్టర్ అందుకున్న తర్వాత బాలకృష్ణ వరుసగా సినిమాలు అనౌన్స్ చేస్తూ యువ హీరోలకు సైతం పోటీ ఇస్తున్నాడు. ప్రస్తుతం అనిల్ రావిపూడి డైరెక్షన్లో భగవంత్ కేసరి సినిమాలో నటిస్తున్న బాలయ్య, ఈ సినిమా కంప్లీట్ అవ్వకముందే డైరెక్టర్ బాబీతో ఒక సినిమా అనౌన్స్ చేసాడు. ఇటీవలే పూజా కార్యక్రమం జరుపుకున్న ఈ సినిమా త్వరలోనే రెగ్యులర్ షూటింగ్ స్టార్ట్ అవ్వనుండగా ఈ సినిమా స్టోరీ గురించి ఒక ఆసక్తికర వార్త సోషల్ మీడియాలో హల్చల్ చేస్తోంది. ఈ సినిమా ఫ్యామిలీ ఎమోషన్ తో పాటు పొలిటికల్ టచ్ తో ఉండబోతుందని టాక్ వినిపిస్తుంది. అంతే కాకుండా ఈ సినిమాలో కూడా బాలయ్య యంగ్ అండ్ ఓల్డ్ రోల్స్ లో కనిపిస్తాడట.
ఈ మధ్యకాలంలో బాలయ్య సినిమాలంటే ఔట్ అండ్ ఔట్ మాస్ ఎలిమెంట్స్ తో నిండి ఉంటున్న నేపథ్యంలో బాలయ్య, బాబీ సినిమాలో ఫ్యామిలీ ఎమోషన్ తో పాటు పొలిటికల్ టచ్ ఉంటుందంటూ వార్తలొస్తున్న నేపథ్యంలో సినిమాపై అంచనాలు మరింత పెరుగుతున్నాయి. ఈ ఏడాది ఆరంభంలో వీర సింహారెడ్డి సినిమాతో బాలకృష్ణ, వాల్తేరు వీరయ్య సినిమాతో బాబీ బ్లాక్ బస్టర్స్ అందుకున్న క్రమంలో ఈ సినిమాపై పాజిటివ్ వైబ్స్ క్రియేట్ అవుతున్నాయి.
స్ట్రాంగ్ ఫ్యామిలీ ఎమోషనల్ డ్రామాతో ఉండబోయే ఈ సినిమాలో ఫ్లాష్ బ్యాక్ లో పొలిటికల్ ఎపిసోడ్ ఉంటుందని టాక్ వినిపిస్తోంది. ఇదే బ్యాక్డ్రాప్ లో వచ్చిన లెజెండ్ సినిమా బ్లాక్ బస్టర్ కావటంతో నందమూరి అభిమానుల్లో ఈ సినిమాపై హోప్స్ పెంచుకుంటున్నారు.మరి, ఇప్పటిదాకా కేవలం కమర్షియల్ ఎలిమెంట్స్ ఉన్న కథలనే డీల్ చేసిన బాబీ ఈ సినిమాలో ఫ్యామిలీ ఎమోషన్ తో పాటు పొలిటికల్ ఎపిసోడ్ ని ఎలా డీల్ చేస్తాడో చూడాలి.
For More Updates :
Checkout Filmify for the latest Movie updates, Movie Reviews & Ratings, and all the Entertainment News