Krishnamma: టాలీవుడ్ యంగ్ అండ్ టాలెంటెడ్ హీరో సత్యదేవ్ ప్రధాన పాత్రలో పోషించిన లేటెస్ట్ యాక్షన్ మూవీ కృష్ణమ్మ. ఈ చిత్రం మే 10, 2024న వరల్డ్ వైడ్గా థియేటర్లలోకి వచ్చింది. వివి గోపాలకృష్ణ దర్శకత్వంలో రూపొందిన ఈ మూవీలో అర్చన, కృష్ణ బురుగుల, అతిరా రాజ్, లక్ష్మణ్ మీసాల కీలక పాత్రలు పోషించారు.
ఇక ఈ మూవీ మూడు రోజుల్లో వరల్డ్ వైడ్ గా సాధించిన కలెక్షన్స్ వివరాలు మేకర్స్ తాజాగా వెల్లడించారు. ఈ మూవీ మొదటి రోజు కంటే రెండవ రోజు ఎక్కువ కలెక్షన్స్ రాబట్టగా మూడవ రోజు కూడా అదే జోరులో కొనసాగింది. ఈ చిత్రం మూడు రోజుల్లో రూ. 3.6 కోట్ల రూపాయల గ్రాస్ వసూళ్లను రాబట్టడం జరిగింది.
అరుణాచలం క్రియేషన్స్ బ్యానర్ పై కృష్ణ కొమ్మాల పాటి నిర్మించిన ఈ చిత్రానికి కాలభైరవ సంగీతం అందించారు. ఎటువంటి అంచనాలు లేకుండా థియేటర్లలో విడుదలైన ఈ సినిమా బాక్స్ ఆఫీస్ హిట్టుగా నిలిచింది. ఫస్ట్ డే ఫస్ట్ షో నుంచి పాజిటివ్ టాక్ ను దక్కించుకుంది ఈ మూవీ. దీంతో ఈ సినిమా రానున్న రోజుల్లో మరిన్ని కలెక్షన్స్ రాబడుతుందని మేకర్స్ గట్టిగా నమ్ముతున్నారు.