టాలీవుడ్ స్టార్ హీరోయిన్ సమంత గురించి ప్రత్యేకంగా చెప్పనవసరం లేదు. ఎలాంటి బ్యాగ్రౌండ్ లేకుండా టాలీవుడ్ ఇండస్ట్రీకి ఎంట్రీ ఇచ్చి తనకంటూ ప్రత్యేకమైన గుర్తింపును తెచ్చుకుంది ఈ బ్యూటీ. ఏ మాయ చేసావే సినిమాతో టాలీవుడ్ ఇండస్ట్రీకి ఎంట్రీ ఇచ్చి ఆ సినిమాతో మంచి సక్సెస్ ను తన ఖాతాలో వేసుకుంది. సమంత నటించిన మొదటి సినిమాతోనే వరుసగా సినిమా అవకాశాలను అందిపుచ్చుకుంది. స్టార్ హీరోలు అందరి సరసన నటించి కొన్నేళ్ల పాటు ఇండస్ట్రీలో తన హవాను కొనసాగించింది.
ఈ క్రమంలోనే సమంత సినిమాల్లో నటిస్తున్న సమయంలోనే అక్కినేని నాగచైతన్యను ప్రేమించి వివాహం చేసుకుంది. వీరిద్దరూ దాదాపు నాలుగు నుంచి ఐదు సంవత్సరాల పాటు కలిసి ఉన్నారు. ఆ తర్వాత ఇద్దరి మధ్య మనస్పర్ధలు రావడంతో విడాకులు తీసుకున్నారు. వీరి విడాకులకు గల కారణాలు ఇప్పటివరకు తెలియ రాలేదు. విడాకులు అనంతరం సమంత వరుస సినిమాలతో ఫుల్ బిజీగా ఉంటుంది. ప్రస్తుతం సమంతకు సంబంధించిన ఓ వార్త సోషల్ మీడియాలో వైరల్ గా మారింది.
సమంత, నాగచైతన్య కలిసి ఉన్న సమయంలో నాగచైతన్యకు ఇష్టం లేని పని సమంత చేసిందట. ఆ పని మరి ఏదో కాదు సమంతకు చాక్లెట్స్ అంటే చాలా ఇష్టం ఉండేదట. ఆ ఇష్టంతోనే సమంత చాక్లెట్స్ విపరీతంగా తినేదట. కానీ నాగచైతన్యకు చాక్లెట్స్ తినడం అస్సలు నచ్చేది కాదట. ఈ విషయం ఇప్పుడు సోషల్ మీడియాలో వైరల్ అవుతుంది. ఇదిలా ఉండగా…. విడాకుల అనంతరం సమంత మయోసైటిస్ వ్యాధి బారిన పడిన సంగతి తెలిసిందే.
ఓవైపు చికిత్స తీసుకుంటూనే మరోవైపు సమంత సినిమాలలో నటించింది. బాలీవుడ్ లో కూడా సినిమాల్లో రాణిస్తోంది. పలు వెబ్ సిరీస్ లలో కూడా నటిస్తూ బాలీవుడ్ ఇండస్ట్రీలో మంచి గుర్తింపు తెచ్చుకుంది. విడాకుల అనంతరం సమంత వరుస సినిమాలలో నటించినప్పటికి ఆ సినిమాలు పెద్దగా సక్సెస్ కాలేకపోయాయి. విడాకుల అనంతరం నాగచైతన్యకు ఒక్క హిట్ కూడా తన ఖాతాలో పడలేదు.