‘ఉప్పెన’ సినిమాతో సెన్సేషనల్ బ్లాక్ బ‌స్ట‌ర్ సాధించిన యంగ్ హీరో వైష్ణవ్ తేజ్ రంగ రంగ వైభవంగా మూవీ చేస్తున్న విషయం తెలిసిందే. శ్రీ వెంక‌టేశ్వ‌ర సినీ చిత్ర ఎల్ఎల్‌పి బ్యాన‌ర్‌పై బాపినీడు.బి స‌మ‌ర్ప‌ణ‌లో ఈ మూవీ తెరకెక్కుతుంది. అర్జున్ రెడ్డి తమిళ రీమేక్ డైరెక్టర్ గిరీశాయ ద‌ర్శ‌కుడిగా బి.వి.ఎస్‌.ఎన్‌.ప్రసాద్ నిర్మిస్తున్నారు. వైష్ణవ్ తేజ్ సరసన కేతికా శ‌ర్మ నటిస్తుంది. కాగ ఇప్పటికే షూటింగ్ పూర్తి చేసుకున్న ఈ సినిమా పోస్ట్ ప్రొడ‌క్ష‌న్ పనుల్లో బిజీ గా ఉంది. కాగ ఈ మూవీని జూలై 1 ఈ చిత్రాన్ని భారీ లెవ‌ల్లో విడుద‌ల చేస్తున్నారు.
ప్రస్తుతం మూవీ యూనిట్ ప్రమోషన్స్ స్పీడు పెంచేసింది.ఇటీవల విడుద‌లైన ఈ మూవీ టైటిల్ టీజ‌ర్‌, పాట‌కు ఆడియెన్స్ నుంచి ట్రెమెండస్ రెస్పాన్స్ వ‌చ్చింది. రాక్ స్టార్ దేవిశ్రీ ప్రసాద్ సంగీతం సినిమాకు మేజ‌ర్ హైలైట్‌గా నిలుస్తోంది. తాజాగా ఈ సినిమా నుంచి డ్యూయెట్ సాంగ్ ‘కొత్తగా లేదేంటి..’ అంటూ సాగే ల‌వ్‌ సాంగ్‌ను చిత్ర యూనిట్ విడుద‌ల చేసింది.
అర్మాన్ మాలిక్‌, హ‌రి ప్రియ పాడిన ఈ పాట‌ను శ్రీమ‌ణి రాశారు. ఈ సాంగ్ ప్రేమికుల‌కు క‌నెక్ట్ అయ్యేలా రాక్ స్టార్ దేవిశ్రీ ప్రసాద్ సంగీతంలో కంపోజ్ చేసినట్లు అనిపిస్తుంది. ఈ చిత్రానికి శ్యామ్ ద‌త్ సినిమాటోగ్ర‌ఫీ అందిస్తున్నారు.