పవర్ స్టార్ పవన్ కళ్యాణ్ హీరోగా నటిస్తున్న “ఓజి” సినిమా సెప్టెంబర్ 27న రిలీజ్ అవుతున్న సంగతి తెలిసిందే. సాహో ఫేమ్ సుజీత్ ఈ సినిమాకోసం చాలా కష్టపడుతున్నాడు. దాదాపు నాలుగేళ్ళ పాటు స్క్రిప్ట్ రెడీ చేయగా ఏడాది కాలంగా షూట్ చేస్తున్నాడు. పైగా పవన్ కళ్యాణ్ ఫ్యాన్స్ పీకే చేస్తున్న అన్ని సినిమాల్లో ఓజి సినిమా గురించే ఎక్కువ ఎదురుచూస్తున్నారంటే ఈ సినిమా పై ఏ రేంజ్ అంచనాలున్నాయో ప్రత్యేకంగా చెప్పనక్కర్లేదు. పైగా పాన్ ఇండియా మూవీగా తెరకెక్కుతున్న ఈ సినిమాలో బాలీవుడ్ స్టార్ ఇమ్రాన్ హష్మీ విలన్ గా నటిస్తుండగా, కోలీవుడ్ నుండి కూడా ప్రముఖ నటులు కీలక పాత్రల్లో నటిస్తున్నారు.
ఇదిలా ఉండగా ఈ సినిమా షూటింగ్ పవన్ లేకుండా కూడా కొన్ని సీన్లు చిత్రీకరిస్తున్నారు మేకర్స్. ఇక ఈ సినిమా నుండి తాజాగా సమాచారం ప్రకారం పవన్ కళ్యాణ్ ఓజి కి మరో రెండు వారాలు డేట్ లు ఇస్తే చాలు సినిమా షూటింగ్ మొత్తం పూర్తయిపోతుందట. ఇప్పటికే ఈ సినిమా షూటింగ్ 80 శాతం శాతం పూర్తయిపోయింది సుజీత్ కూడా పలుమార్లు చెప్పాడు. ఇక డివివి ఎంటర్టైన్మెంట్స్ బ్యానర్ లో దానయ్య నిర్మిస్తున్న ఈ సినిమాకు థమన్ మ్యూజిక్ అందిస్తున్నాడన్న సంగతి తెలిసిందే. పైగా థమన్ ఇచ్చిన బీజీఎమ్ తో ఓజి టీజర్ కి వచ్చిన రెస్పాన్స్ మామూలుగా లేదు.
ఇక పవన్ కళ్యాణ్ కూడా ఎలక్షన్స్ ఉన్నా కూడా ఈ సినిమాకు మాత్రం సమయం కేటాయిద్దామని దాదాపు ప్రయత్నిస్తున్నాడని టాక్. అయితే ఇప్పుడున్న పరిస్థితుల్లో నాన్ స్టాప్ గా ఒజికి రెండు వారాలు టైం ఇవ్వడమంటే కష్టమనే తోస్తుంది. అయినా మేకర్స్ అనుకుంటే ట్రై చేయొచ్చు. ఇక ఈ సినిమాలో ప్రియాంక అరుళ్ మోహన్ హీరోయిన్ కాగా, త్వరలోనే ఫస్ట్ లిరికల్ సాంగ్ అప్డేట్ రానుంది. ఆ సాంగ్ దాదాపు పవన్ ఇంట్రో సాంగే అయి ఉంటుందని ట్రేడ్ విశ్లేషకుల అభిప్రాయం. మరి ఎలక్షన్ అయ్యేలోపే పవన్ తో మేకర్స్ డేట్లు అడ్జస్ట్ చేయించుకుంటారా లేదా అనేది చూడాలి.
Check out Filmify Telugu for Tollywood movie news updates, latest Kollywood news, Movie Reviews & Ratings, and all the Entertainment News Updates in Bollywood and Celebrity News & Gossip in tollywood & all other Film industries.