“కృష్ణ గాడి వీర ప్రేమ గాథ” అనే సినిమాలో నేచురల్ స్టార్ నాని సరసన హీరోయిన్ గా నటించి, టాలీవుడ్ ఎంట్రీ ఇచ్చింది మెహరీన్. మొదటి సినిమాలో ముద్దుగా బొద్దుగా ఉన్న మెహరీన్ తెలుగు ప్రేక్షకులకు భలే నచ్చేసింది. ఆ తర్వాత మహానుభావుడు, రాజా ది గ్రేట్, ఎఫ్ 2 వంటి సూపర్ హిట్స్ తన ఖాతాలో వేసుకుంది. ఇక యంగ్ హీరోలతోనూ పలు సినిమాల్లో నటించిన ఈ బ్యూటీకి చెప్పుకోదగ్గ హిట్స్ అయితే పడలేదు. పైగా ఇటీవల కాలంలో వరుసగా ప్లాపులు ఎదురవడంతో బాగా అవకాశాలు తగ్గాయి. “ఎఫ్ 2″లో హనీ ఈజ్ ద బెస్ట్ అనిపించుకుంది కానీ, మంచి అవకాశాలను మాత్రం రాబట్టుకోలేకపోయింది. మరీ ముఖ్యంగా మెగా కాంపౌండ్ ఈ హీరోయిన్ పై ఆసక్తి చూపించకపోవడం గమనార్హం.
సాధారణంగా ఒక్క మెగా హీరోతో నటించే అవకాశం వచ్చినా టాలీవుడ్ లో ఆ హీరోయిన్ పంట పండినట్టే. కాజల్ అగర్వాల్, శృతిహాసన్ లాంటివారు ఇలాగే ఇండస్ట్రీలో స్టార్ హీరోయిన్ స్టేటస్ అందుకున్నారు. మెగా కాంపౌండ్ లో దాదాపుగా పదిమంది దాకా హీరోలు ఉండడంతో, ఒకరితో నటించి హిట్ కొడితే ఆ తర్వాత మెగా కాంపౌండ్ హీరోలతోనే వరుసగా నటించే ఛాన్స్ దానంతట అదే తెరుచుకుంటుంది. కానీ మెహరీన్ కు మాత్రం ఆ అదృష్టం దక్కనే లేదు. తాజాగా మెహరీన్ మాట్లాడుతూ దానికి కారణం ఏంటో వెల్లడించింది.
“కృష్ణ గాడి వీర ప్రేమ గాథ” తర్వాత వరుసగా 6 ప్రాజెక్టులకు సైన్ చేశాను. ఈ బిజీలో తొలిప్రేమ (2018) చిత్రాన్ని వదులుకున్నాను. ఇంకా అలాంటి మంచి సినిమాలు చాలా వదులుకోవాల్సి వచ్చింది” అంటూ ఆసక్తికర విషయాన్ని వెల్లడించింది. ‘తొలిప్రేమ’ మూవీలో వరుణ్ తేజ్ హీరోగా, రాశి ఖన్నా హీరోయిన్ గా నటించారు. వెంకీ అట్లూరి ఈ మూవీని డైరెక్ట్ చేయగా, ఈ రొమాంటిక్ ఎంటర్టైనర్ బ్లాక్ బస్టర్ హిట్ గా నిలిచింది. అంతేకాదు ఇటు వరుణ్, అటు రాశి కెరీర్లకు మంచి బూస్ట్ ఇచ్చింది. మరి అలాంటి మూవీని మెహరీన్ చేజార్చుకోవడం ఆమె అదృష్టమని చెప్పాలి. ఇక ప్రస్తుతం ఈ బ్యూటీ “స్పార్క్” అనే బైలింగ్వల్ మూవీ చేస్తోంది. మరో కన్నడ మూవీ కూడా మెహరీన్ చేతిలో ఉంది. కానీ తెలుగు లో మాత్రం ఆఫర్స్ ఈ బ్యూటీ ఇంటి తలుపు పెద్దగా తట్టడం లేదని చెప్పాలి.
Check Filmify for the most recent movies news and updates from all Film Industries. Also get latest tollywood news, new film updates, Bollywood Celebrity News & Gossip at filmify