నేచురల్ స్టార్ నాని మరియు మృణాల్ ఠాకూర్ నటిస్తున్న సినిమా “హాయ్ నాన్న”. ఈ సినిమాతో శౌర్యువ్ దర్శకుడిగా పరిచయం అవుతున్నాడు.
ఇదివరకే ఈ సినిమా నుంచి రిలీజైన టీజర్ , ట్రైలర్ ఆకట్టుకున్నాయి.
ఈ సినిమాతో నాని లో మరో వేరియేషన్ చూడొచ్చు అనిపించేలా టీజర్ ఆసక్తి రేకెత్తించింది.
రీసెంట్ టైమ్స్ లో నాని ఎంచుకున్న స్క్రిప్ట్స్ చూస్తుంటే, నాని సినిమాలపైనా ఆసక్తి పెరుగుతూ వస్తుంది. “హాయ్ నాన్న” సినిమా
పాన్-ఇండియన్ మూవీగా తెరకెక్కింది. ఈ సినిమాను డిసెంబర్ 7, 2023న థియేటర్లలో గ్రాండ్ రిలీజ్ చేయడానికి ప్లాన్ చేస్తున్నారు.
సినిమా నుండి ఇదివరకే రిలీజైన “సమయమా”, “గాజుబొమ్మ” పాటలు విపరీతంగా ఆకట్టుకున్నాయి. ఇప్పుడు ఈ సినిమా నుండి “అమ్మడి” అనే రొమాంటిక్ మెలోడీని నవంబర్ 4, 2023న ఆవిష్కరించనున్నట్లు మేకర్స్ తమ సోషల్ మీడియా ప్రొఫైల్‌లలో పోస్ట్ చేసారు.
హాయ్ నాన్న లో జయరామ్, బేబీ కియారా ఖన్నా, ప్రియదర్శి, అంగద్ బేడీ మరియు మరికొందరు ముఖ్యమైన పాత్రల్లో నటిస్తున్నారు. వైరా ఎంటర్‌టైన్‌మెంట్స్ ఈ చిత్రాన్ని నిర్మించగా, హృదయం ఫేమ్ “హేషమ్ అబ్దుల్ వహాబ్” సంగీతం అందిస్తున్నారు.
Check out Filmify for the latest Movie updates, New Movie Reviews, Ratings, and all the Entertainment News in Tollywood & Bollywood and all other Film Industries.