సంతోషం అనేది ఎక్కడుంటుంది? మనలో, మన చుట్టూ ఉండే పాజిటివిటీలో ఉంటుంది. సానుకూల దృక్పథం ఉన్న మనుషులు మన చుట్టూ ఉంటే వాళ్లు ఉన్నంత సేపు సంతోషంగా ఉంటాం. అలాగే పాజిటివిటీ ఎక్కువగా ఉన్న వ్యక్తుల్లో కనిపించే ప్రవర్తన, కొన్ని అలవాట్ల కారణంగా ఎక్కువ మంది వాళ్లతో ఎక్కువ సమయాన్ని గడపడానికి ఇష్టపడతారు. మరి ఎలాంటి అలవాట్లు ఉన్న వ్యక్తులతో ఉంటే సంతోషంగా ఉంటాము? అంటే…
1. ఫ్రెండ్లీ
ఫ్రెండ్లీ నేచర్ ఉన్న వ్యక్తులు తమ చుట్టూ ఉన్న వ్యక్తులను ఆనందంగా ఉంచగలుగుతారు. ఎందుకంటే వాళ్లు ఇతరులకు హృదయపూర్వకంగా విలువనిస్తారు. అలాగే కొత్త వ్యక్తులతో మొదటిసారి పరిచయం చేసుకున్నా సరే ఓపెన్ గా ఉంటారు. సాధారణంగా ఇలాంటి ఫ్రెండ్లీ నేచర్ ఉన్న వ్యక్తులు తమ ప్రవర్తన ద్వారా చుట్టూ ఆనందకరమైన వాతావరణాన్ని క్రియేట్ చేస్తారు.
2. కమ్యూనికేటివ్
కమ్యూనికేటివ్ నేచర్ ఉన్నవారికి ఎప్పుడు మాట్లాడాలి, ఎప్పుడు సైలెంట్ గా ఉండాలి, అవతలి వ్యక్తులకు ఎప్పుడు మాట్లాడే అవకాశం ఇవ్వాలి అనే విషయాలు బాగా తెలుసు. దానివల్ల ఇతరులతో వాళ్ళు ఈజీగా కమ్యూనికేట్ చేస్తూ సన్నిహితంగా ఉంటారు. అలాగే మీ పట్ల నిజమైన ఆసక్తిని చూపిస్తారు. స్పష్టంగా, ఆసక్తికరంగా మాట్లాడుతారు. అంతమాత్రాన వాళ్లు మీ దృష్టిని ఆకర్షించాలని లేదా వాళ్ళ ఒపీనియన్ ను మీరు అంగీకరించాలని డిమాండ్ చేయరు. అలాగే మీకు కావలసినంత గౌరవం ఇస్తారు.
3. ఫన్నీ
ఫన్నీ అనే ఫ్లేవర్ మిస్ అయితే లైఫ్ అంతా డల్ మూమెంట్స్ తో నిండిపోతుంది. ఇక ఫన్నీ నేచర్ ఉన్న వ్యక్తుల వల్ల వాళ్ల చుట్టూ ఉండే వ్యక్తులు సంతోషంగా ఉంటారు. అందుకే వారితో కలిసి పని చేయడానికి, స్నేహంగా ఉండడానికి ఎక్కువగా ఇష్టపడుతూ ఉంటారు. జీవితాన్ని వారు చూసే ప్రత్యేకమైన, ఉల్లాసభరితమైన మార్గం ఎంటర్టైనింగ్ గా ఉండటమే కాదు ఎలాంటి కష్టం నష్టం వచ్చినా పాజిటివ్ గానే తీసుకుంటారు.
4. హెల్ప్ ఫుల్
ఉదార స్వభావం ఉన్న వ్యక్తులకు అందరూ ఎక్కువగా ఆకర్షితులవుతారు. వాళ్లతో కలిసి ఉండాలని కోరుకుంటారు. ఉదార స్వభావంతో పాటు హెల్పింగ్ నేచర్ ఉన్న వ్యక్తులు మీ చుట్టూ ఉంటే మీరు బలహీన పడకుండా, అన్నివేళలా అండగా ఉంటూ మంచి మార్గంలో నడిపిస్తారు. అలాగే హెల్పింగ్ నేచర్ ఉన్నవారు ఇతరులకు గౌరవం ఇస్తూ, శ్రద్ధ చూపిస్తూ తమతో పాటు తమ చుట్టుపక్కల ఉండేవారు సంతోషంగా ఉండేలా చూసుకుంటారు.
5. మోటివేషనల్
మోటివేషన్ అంటే జీవితం అనే బండిని ముందుకు నడిపించడానికి ఉపయోగపడే పెట్రోల్ వంటిది. ఈ మోటివేషన్ నేచర్ ఉన్న వ్యక్తులు మన చుట్టూ ఉంటే లైఫ్ లో మరింత కాన్ఫిడెన్స్ తో ముందుకు సాగుతాము. వాళ్లు ఎప్పుడూ మన చుట్టూ ఉండడం కుదరకపోవచ్చు. కానీ వాళ్ళు చెప్పే మంచి మాటలు స్ఫూర్తిని ఇస్తాయి. ఇక వీటితో పాటు ఆశాజనకంగా, ఓపెన్ మైండెడ్ వ్యక్తులు మన చుట్టూ ఉంటే సంతోషంగా ఉండగలుగుతాం. మరి ఇలాంటి లక్షణాలు మీ సన్నిహితుల్లో ఉన్నాయా?
Check out Filmify Telugu for Tollywood Movie news updates, latest Kollywood news, Movie Reviews & Ratings, and all the Entertainment News Updates in Bollywood and Celebrity News & Gossip in tollywood & all other Film industries