Pushpa -2: స్టైలిష్ స్టార్ అల్లు అర్జున్ తాజాగా నటిస్తున్న చిత్రం పుష్ప 2.. ఈ సినిమాను ఆగస్టు 15వ తేదీన రిలీజ్ చేయడం కోసం తెగ ప్రయత్నాలు చేస్తున్న విషయం తెలిసింది.. ఈ నేపథ్యంలోనే సినిమా షూటింగ్ కూడా ఇప్పుడు శరవేగంగా జరుపుకుంటుంది. సుకుమార్ దర్శకత్వంలో వస్తున్న ఈ సినిమాపై భారీ అంచనాలు నెలకొన్నాయి. రీసెంట్ గా అల్లు అర్జున్ పుట్టిన రోజు సందర్భంగా ఏప్రిల్ 8న చిత్ర బృందం పుష్ప 2 సినిమా టీజర్ ని కూడా రిలీజ్ చేయగా..ఈ టీజర్ ఊహించని రెస్పాన్స్ ను సొంతం చేసుకుంది.. అటు అభిమానులకు కూడా చాలాకాలం తర్వాత బన్నీ మంచి ట్రీట్ ఇచ్చారని చెప్పవచ్చు.
చీర కట్టులో బన్నీ విశ్వరూపం..
ఇకపోతే ఈ టీజర్ లో బన్నీ చీరకట్టులో కనిపించి తనలో ఉన్న నటన టాలెంట్ ని మరొకసారి అభిమానులకు చూపించారనే చెప్పాలి.. టీజర్ చూస్తుంటే.. గంగమ్మ జాతర ఎపిసోడ్ ఈ సినిమాకి చాలా హైలైట్ గా నిలవబోతోంది అని చెప్పవచ్చు. ఈ సినిమాలో అల్లు అర్జున్ చీర కట్టుకొని అందరినీ ఆశ్చర్యపరిచారు.. అంతే కాదు బన్నీ గెటప్ కి అందరూ షాక్ అయ్యారు కూడా. ఇందులో అల్లు అర్జున్ చీర ధరించడం ఒక ఎత్తు అయితే ఆ చీర యొక్క స్పెషాలిటీ తెలిసి ఇప్పుడు అందరు మరింత ఆశ్చర్యం వ్యక్తం చేస్తున్నారు. టీజర్ రిలీజ్ అయిన తర్వాత అల్లు అర్జున్ కట్టుకున్న చీర ఎవరిదో తెలుసా? అంటూ ఇప్పుడు ఒక వార్త నెట్టింట వైరల్ గా మారింది..
చీర స్పెషాలిటీ అదే..
మరి అల్లు అర్జున్ కట్టుకున్న ఆ చీర స్పెషాలిటీ ఏమిటంటే.. అది వాళ్ళ అమ్మదట.. సెంటిమెంట్ గా ఉంటుంది అంటూ సుకుమార్ ఇలాంటి నిర్ణయం తీసుకున్నట్లు తెలుస్తోంది.. అంతేకాదు ఈ సినిమాకి ఈ ఫైట్ సీన్ చాలా హైలైట్ గా ఉంటుందని చెబుతున్నారు సినీ ప్రేక్షకులు.. తాజాగా అందుతున్న సమాచారం ప్రకారం ఈ సినిమాలో ఈ ఫైట్ సీన్ ఇంటర్వెల్ లో రాబోతున్నట్లు కొత్త వార్త తెరపైకి వచ్చింది.. మొత్తానికైతే అల్లు అర్జున్ సుకుమార్ సలహా మేరకు తన తల్లి చీర కట్టుకొని చాలా అద్భుతంగా పెర్ఫార్మన్స్ చేశారని టీజర్ చూస్తే అర్థమవుతుంది ఇక థియేటర్లలో ఈ సన్నివేశాలు ఎంతలా ఉంటాయో ఊహించుకోవచ్చు. మొత్తానికి అయితే అల్లు అర్జున్ ఈ సినిమాతో మరో ట్రెండ్ సెట్ చేయడానికి సిద్ధమవుతున్నారనే వార్తలు అయితే ఇప్పుడు బలంగా వినిపిస్తున్నాయి.
పుష్ప 2 తారాగణం:
ఇకపోతే ఇప్పటికే సుకుమార్ , బన్నీ కాంబినేషన్లో వచ్చిన పుష్ప సినిమాలో నటించిన చాలామంది స్టార్ కాస్ట్ పుష్ప 2 లో కూడా కంటిన్యూ అవుతున్నారని తెలుస్తోంది .ఇక ఈ సినిమాలో రావు రమేష్, ఫహద్ ఫాజిల్, రష్మిక మందన్న, అనసూయ, సునీల్ తదితరులు కీలకపాత్రలు పోషిస్తున్నట్లు సమాచారం.. ఇప్పటికే వీరంతా కూడా పుష్ప మొదటి భాగంలో తమ అద్భుతమైన నటనతో ప్రేక్షకులను ఆకట్టుకున్న విషయం తెలిసిందే.. ఇప్పుడు ఈ రెండవ భాగంతో మరెంతలా ఆకట్టుకుంటారో చూడాలి. మొత్తానికైతే పుష్ప 2 కోసం అటు సౌత్ ఇండియన్ ప్రేక్షకులే కాదు ఇప్పుడు నార్త్ ఇండియన్ ప్రేక్షకులు కూడా ఆసక్తిగా ఎదురు చూస్తున్నారు.. ఈ సినిమాతో కుంభ స్థలాన్ని ఢీ కొట్టడానికి సిద్ధమవుతున్నారు బన్నీ.