లేడి సూపర్ స్టార్ అనుష్క నిశ్శబ్దం సినిమా తర్వాత చాలా గ్యాప్ తీసుకొని యంగ్ హీరో నవీన్ పోలిశెట్టితో కలిసి నటిస్తున్న సినిమా మిస్ శెట్టి మిస్టర్ పోలిశెట్టి. అనుష్క, నవీన్ ల క్రేజీ కాంబినేషన్లో రూపొందిన ఈ సినిమాపై మొదటి నుండి పాజిటివ్ వైబ్స్ ఉన్నాయి. ఈ సినిమాకు సంబందించిన ప్రోమోలు, లిరికల్ సాంగ్ కూడా ఆకట్టుకోవడంతో సినిమాపై ఆసక్తి మరింత పెరిగింది. ఈ సినిమా మొదలై చాలా కాలం అవుతున్నప్పటికీ రిలీజ్ డేట్ అనౌన్స్ చేయకపోవటం వల్ల అభిమానులు ఆసక్తిగా ఎదురు చూస్తున్నారు. ఈ నేపథ్యంలో సినిమా యూనిట్ రిలీజ్ డేట్ అనౌన్స్ చేసింది.
ఈ సినిమాను ఆగస్టు 4న రిలీజ్ చేస్తున్నట్టు అనౌన్స్ చేసింది సినిమా యూనిట్.జాతి రత్నాలు తర్వాత నవీన్ నటించిన సినిమా కావటం, అనుష్క చాలా కాలం తర్వాత సిల్వర్ స్క్రీన్ మీద కనిపించనుండటంతో ఈ సినిమా కోసం ఆడియెన్స్ ఆసక్తిగా ఎదురు చూస్తున్నారు. ఆగస్టు మొదటివారంలో పెద్దగా కాంపిటీషన్ లేకపోవటం ఈ సినిమాకి ప్లస్ అయ్యే అవకాశం కనిపిస్తోంది.
టాలీవుడ్ కి ఈ వేసవిలో సరైన హిట్ లేకపోవటం, ఎన్నో అంచనాలతో వచ్చిన ఆదిపురుష్ కూడా పెద్దగా అలరించకపోవటం వల్ల బాక్సాఫీస్ వద్ద వ్యాక్యూమ్ ఏర్పడింది. ఈ అంశం మిస్ శెట్టి మిస్టర్ పోలిశెట్టి సినిమాకు కలిసొచ్చే అంశం అని చెప్పాలి. ఇక ఆగస్టులో ఇండిపెండెన్స్ డే సందర్బంగా భోళాశంకర్, జైలర్ వంటి సినిమాలు సెకండ్ వీక్ లో రిలీజ్ అవుతున్నాయి. మొదటి వారం ఎలాగో థియేటర్లు ఖాళీ కాబట్టి ఈ సినిమా పాజిటివ్ టాక్ సొంతం చేసుకుంటే సూపర్ హిట్ ఖాయం అని చెప్పవచ్చు.
For More Updates :
Checkout Filmify for the latest Movie updates, Movie Reviews & Ratings, and all the Entertainment News