విలక్షణ నటుడు సాయి కుమార్ కుమారుడిగా ఇండస్ట్రీకి ఎంట్రీ ఇచ్చిన ఆది, ప్రస్తుతం వరుస సినిమాలతో బిజీ గా ఉన్నాడు. టాలీవుడ్ లో అత్యధికంగా సినిమాలను సెట్ చేస్తుకున్న హీరో ఆదియే కావచ్చు. ఆది చేతిలో దాదాపు 8 సినిమాలు ఉన్నాయి. కొన్ని కరోనా మహమ్మారి కంటే ముందే స్టార్ట్ కాగా, అవి వాయిదా పడుతూ వచ్చాయి. ఈ మధ్య కాలంలో మరికొన్ని సినిమాలకు సైన్ చేయడంతో లీస్ట్ పెరిగింది. ఈ లీస్ట్ లో “తీస్ మార్ ఖాన్” ఒక్కటి.
కళ్యాణ్ జి గొనగ దర్శకత్వంలో, విజ‌న్ సినిమాస్ బ్యానర్ పై నాగం తిరుప‌తి రెడ్డి నిర్మించిన ఈ సినిమా 2021 మొదట్లో స్టార్ట్ కాగా, డిసెంబర్ నెలలోనే షూటింగ్ పూర్తి అయింది. కానీ, అనివార్య కారణాల వల్ల వాయిదా పడుతూ వచ్చింది. ఎట్టకేలకు ఈ సినిమాను విడుదల చేయడానికి మూవీ యూనిట్ రెడీ అయిపోయింది. తాజా గా ఈ సినిమాకు సంబంధించిన టీజర్ ను మేకర్స్ విడుదల చేశారు.
ఈ టీజర్ తో ఈ సినిమాలో ఆది రౌడీ పోలీస్ యాటిట్యూడ్ తో కనిపిస్తున్నట్టు తెలుస్తుంది. హీరోయిన్ గా నటిస్తున్న పాయల్ రాజ్ పుత్ గ్లామర్ షో హైలైట్ గా నిలుస్తుంది. ఆది-పాయల్ మధ్య కెమిస్ట్రీని డైరెక్టర్ కళ్యాణ్ బాగానే డిజైన్ చేశాడు. ఇప్పటి వరకు చిన్నపాటి విలన్ పాత్రల్లో నటించిన అనూప్ సింగ్ ఠాకూర్ ఈ సినిమాలో ఫుల్ లెన్త్ ప్రతి నాయుకుడిగా కనిపించాడు. సీనియర్ హీరోయిన్ పూర్ణ ఓ కీలక పాత్ర పోషిస్తున్నట్టు తెలుస్తుంది.
మొత్తంగా కొంత వరకు ఇంట్రెస్టింగ్ గా సాగిన ఈ టీజర్ తో సినిమాపై కాస్త అంచనాలు పెరుగుతున్నాయని చెప్పొచ్చు. అయితే ఈ సినిమా ఆదికి గత అనుభవాన్నే ఇస్తుందా, లేదా మంచి హిట్ ఇస్తుందా అంటే విడుదల వరకు వేచి చూడాల్సిందే.