తెలుగు ఫిలిం ఇండస్ట్రీ లో ఉన్న నటులలో ప్రత్యేకంగా తమకంటూ ఒక ప్రత్యేకమైన సినిమా ఉండటం అనేది కామన్ గా జరుగుతూ ఉంటుంది అలా అక్కినేని ఫ్యామిలీ మొత్తానికి ఉన్న స్పెషల్ ఫిలిం మనం. విక్రమ్ కె కుమార్ దర్శకత్వం వహించిన ఈ సినిమా బాక్సాఫీస్ వద్ద డీసెంట్ హిట్ గా నిలిచింది. ఈ సినిమా కి తెలుగు ఫిలిం ఇండస్ట్రీలో ఉన్న ప్రముఖులందరూ ప్రీమియర్స్ కి హాజరై ఈ సినిమా తమకి ఎంతలా నచ్చిందో మీడియాలో చెప్పుకొచ్చారు. అప్పట్లో ఈ సినిమాకి వచ్చిన రెస్పాన్స్ చాలామందికి ఆశ్చర్యాన్ని కలిగించింది. ప్రేక్షకులు ముందుకి సినిమా వచ్చినా తర్వాత కూడా ప్రేక్షకులంతా సినిమాను అదే రేంజ్ లో ఆదరించారు.
మనం సినిమా ప్రత్యేకత
ఈ సినిమాలోని అక్కినేని నాగేశ్వరరావు గారి ఫ్యామిలీకి సంబంధించిన మూడు తరాలను రివర్స్ లో చూపించారు. విక్రమ్ కే కుమార్ ఈ సినిమాను డీల్ చేసిన విధానం అద్భుతమని చెప్పొచ్చు. ఈ సినిమాకి పెద్ద ప్లస్ అనూప్ రూబెన్స్ అందించిన సంగీతం. ఎప్పటికీ గుర్తుండిపోయి పాటలను ఈ సినిమాకి అందించాడు. అక్కినేని ఫ్యామిలీ అంతటికి ఈ సినిమా ఒక చిత్రపటం అని చెప్పొచ్చు. ఈ సినిమా రిలీజ్ అయి దాదాపు 10 ఏళ్ళు కావస్తున్న తరుణంలో ఈ సినిమాను మళ్ళీ ఇప్పుడు రీ రిలీజ్ చేస్తున్నారు.
మనం సినిమాతో అనుభవాలు
ఇక ఈ సినిమా రీ రిలీజ్ అవుతున్న తరుణంలో ఈ సినిమాకు సంబంధించి తమ జ్ఞాపకాలను, తమకు ఈ సినిమాతో ఉన్న అనుభవాలను మీడియా ముందుకి వచ్చి పంచుకుంటున్నారు అక్కినేని ఫ్యామిలీ మెంబర్స్. రీసెంట్గా నాగచైతన్య ఈ సినిమా గురించి మాట్లాడుతూ దీంట్లోని ప్రేమకు సంబంధించిన డైలాగును చెప్పారు. ఇకపోతే రీసెంట్గా అక్కినేని సుమంత్ కూడా ఒక వీడియోను రిలీజ్ చేశారు. తాతగారు తన చావుని వాయిదా చేసుకుని మరి ఈ సినిమాలో నటించారు. క్యాన్సర్ చివరి స్టేజ్ లో ఉన్నా కూడా ఆయన అనుకున్న పనిని పూర్తి చేయగలిగారు అంటూ ఎన్నో అమూల్యమైన జ్ఞాపకాలను సినిమా గురించి పంచుకున్నారు. సుమంత్ మాట్లాడుతూ ఈ సినిమా కోసం మీరందరూ ఎలా ఎదురు చూస్తున్నారు నేను కూడా అలానే ఎదురు చూస్తున్నాను మనం థియేటర్లో కలుద్దాం అంటూ చెప్పుకొచ్చాడు.