సూపర్ స్టార్ మహేష్ బాబు “సర్కారు వారి పాట” గురువారం రిలీజైన విషయం తెలిసిందే. మహేష్ బాబు యాక్టింగ్, డైలాగ్స్, కీర్తి సురేష్ తో లవ్ ట్రాక్ ఈ సినిమాకు హైలైట్ గా నిలిచాయి. సెకండాఫ్ లో కాస్త సాగదీత సీన్స్ వల్ల బెనిఫిట్ షో నుండి మిశ్రమ స్పందన అందుకుంది. కానీ ఈ మూవీ కలెక్షన్ల పరంగా మంచి జోష్ లో ఉంది. తొలి రోజు వరల్డ్ వైడ్ గా ఈ మూవీ 75 కోట్ల గ్రాస్ వసూళ్లు చేసి, టాలీవుడ్ లో పలు రికార్డులను తన ఖాతాలో వేసుకుంది.
రెండో రోజు కూడా “సర్కారు వారి పాట” కలెక్షన్లలో జోష్ తగ్గలేదు. రికార్డు స్థాయిలో ఈ సినిమా వసూళ్లు చేస్తూ దూసుకెళ్తుంది. ఇప్పటి వరకు ఈ సినిమా వరల్డ్ వైడ్ గా 103 కోట్లు రాబట్టింది. టాలీవుడ్ ఫిల్మ్ ఇండస్ట్రీలో సర్కారు వారి పాట ఆల్ టైమ్ రికార్డు క్రియేట్ చేసిందంటూ, జీఎంబీ ఎంటర్టైన్మెంట్ అధికారిక ట్విట్టర్ నుండి పోస్టు చేసింది.
ఈ మూవీని పరశురామ్ దర్శకత్వం వహించగా, సూపర్ స్టార్ మహేష్ బాబుకు జోడీగా మహానటి కీర్తి సురేష్ నటించింది. మైత్రీ మూవీ మేకర్స్, జీ. మహేష్ బాబు ఎంటర్టైన్మెంట్,14 రీల్స్ ప్లస్ ఎంటర్టైన్మెంట్ సంయుక్తంగా నిర్మించగా, ఎస్ ఎస్ థమన్ మ్యూజిక్ అందించాడు.
This Summer is SUPERSTAR SWAG SEASON❤️🔥#BlockbusterSVP creates an ALL TIME RECORD IN TFI with a gross of 𝟏𝟎𝟑+ 𝐂𝐑 Wordwide💥#SarkaruVaariPaata #SVPMania
Super 🌟 @urstrulymahesh @KeerthyOfficial @ParasuramPetla @MusicThaman @MythriOfficial @GMBents #SVP pic.twitter.com/HZ6j6lyZ3Y
— GMB Entertainment (@GMBents) May 14, 2022