పాన్ ఇండియా స్టార్ ప్రభాస్ ఫ్యాన్స్ ఎప్పుడెప్పుడా.. అని ఎదురుచూస్తున్న భారీ ప్రాజెక్ట్ సలార్. బాహుబలి-2 సినిమా తర్వాత డార్లింగ్ సాలిడ్ హిట్ అందుకోలేదు. సాహో, రాధేశ్యామ్ సినిమాలు రెబల్ స్టార్ ఫ్యాన్స్ ను దారుణంగా నిరాశపర్చాయి. దీంతో ప్రభాస్ హిట్ కోసం ఐదేళ్ల నుండి వెయిట్ చేస్తున్నారు. కేజీఎఫ్ – 2 భారీ విజయంతో సూపర్ ఫామ్ లో ఉన్న ప్రశాంత్ నీల్ తో ప్రభాస్ “సలార్” మూవీ చేస్తున్న విషయం తెలిసిందే.
చిత్ర సీమకు కేజీఎఫ్ లాంటి బిగ్ హిట్ ఇచ్చిన డైరెక్టర్ కావడంతో, ఈ ప్రాజెక్ట్ పై డార్లింగ్ ఫ్యాన్స్ భారీ అంచానలు పెట్టుకున్నారు. ఐదేళ్ల తర్వాత తమ హీరోకు సాలిడ్ హిట్ పడుతుందని అనుకుంటున్నారు. అయితే ఈ మధ్య కాలంలో కేజీఎఫ్-2 కు సీక్వెల్ గా కేజీఎఫ్-3 మూవీ వస్తున్నట్టు అధికారిక ప్రకటన వచ్చింది. అంతే కాకుండా ఈ ఏడాది అక్టోబర్ లో షూటింగ్ ను కూడా స్టార్ట్ చేస్తున్నట్టు కేజీఎఫ్ నిర్మాణ సంస్థ హోంబలే ఫిల్మ్స్ ఫౌండర్ విజయ్‌ కిరగందుర్‌ ప్రకటించాడు.
సలార్ మూవీ షూటింగ్ పూర్తి కాకుండానే, కేజీఎఫ్ – 3 షూటింగ్ ఎలా స్టార్ట్ చేస్తారని ప్రభాస్ ఫ్యాన్స్ డైలామోలో పడ్డారు. కానీ, డార్లింగ్ అభిమానులకు సలార్ నిర్మాత గుడ్ న్యూస్ చెప్పారు.
సలార్ మూవీ షూటింగ్ ఇప్పటి వరకు 30 – 35 శాతం పూర్తి అయిందని తెలిపారు. ఈ ఏడాది అక్టోబర్, నవంబర్ వరకు సినిమా షూటింగ్ ను పూర్తి చేసి, 2023 సమ్మర్ లో సలార్ ను రిలీజ్ చేస్తున్నట్టు అనౌన్స్ చేశారు. అనుకున్న దానికి కంటే ముందే సలార్ సినిమా రావడంతో డార్లింగ్ ఫ్యాన్స్ ఫుల్ ఖుషిలో ఉన్నారు.
