కామెడీ మంత్రను నమ్ముకున్న అనిల్ రావిపూడి సక్సస్ ఫుల్ గా సినిమాలు చేస్తూ తనకంటూ ప్రత్యేక గుర్తింపు తెచ్చుకున్నాడు. ఇటీవల ఎఫ్ 3 సినిమాతో ఈ డైరెక్టర్ డబుల్ హ్యాట్రిక్ హిట్స్ కొట్టాడు. మూడన్నర ఏళ్ల క్రితం వచ్చిన ఎఫ్ 2కు సీక్వెల్ గా తెరకెక్కిన ఈ మూవీ, థియేటర్స్ లో సినీ లవర్స్ ను ఆకట్టుకుంటుంది. ముఖ్యంగా ఫ్యామిలీ ఆడియన్స్ థియేటర్స్ కు క్యూ కడుతున్నారు.
అయితే ఈ మూవీ అంచనాలకు మించి రాణిస్తుండటంతో దీని సీక్వెల్ పై ప్రేక్షకులకు అప్పుడే ఆసక్తి పెరిగింది. ఇప్పటికే ఎఫ్ 3కి సీక్వెల్ ఎఫ్ 4 ఉంటుందని డైరెక్టర్ అనిల్ రావిపూడి, నిర్మాత దిల్ రాజు స్పష్టమైన క్లారిటీ ఇచ్చారు. అయితే ఈ సీక్వెల్ పై కొన్ని వార్తలు ఫిల్మ్ నగర్ లో చక్కర్లు కొడుతున్నాయి.
ఎఫ్ 2 లో ఉన్న క్యారెక్టర్స్ నే ఎఫ్ 3 లో కొనసాగించిన అనిల్ రావిపూడి, ఎఫ్ 4 లో మాత్రం అలా కాకుండా, కొత్త క్యారెక్టర్స్ ను తీసుకోవాలని ప్లాన్ చేస్తున్నాడట. హీరో, హీరోయిన్స్ రెమ్యునరేషన్ పెరగడంతో, బడ్జెట్ కూడా భారీగా పెరిగిపోతుందని ఈ నిర్ణయానికి వచ్చారని, దిల్ రాజు సన్నితవర్గాల నుండి సమాచారం. దీనిపై ఇప్పటికే చర్చలు జరుగుతున్నట్టు తెలుస్తుంది.
కానీ, హీరోలను మార్చితే, సినిమాపై ప్రేక్షకులకు ఇంట్రెస్ట్ తగ్గే అవకాశం కూడా ఉందని సినీ లవర్స్ అభిప్రాయపడుతున్నారు. వెంకటేష్, వరుణ్ తేజ్ కామెడీని ఆడియన్స్ బాగా ఓన్ చేసుకున్నారు. ఇప్పుడు ఎఫ్ 4లో ఈ పాత్రలు లేకుంటే, నిరాశ తప్పదని మూవీ క్రిటిక్స్ కూడా హెచ్చరిస్తున్నారు.