All We Imagine as Light : గత కొన్ని రోజులుగా ప్రపంచ సినీ తారలంతా కేన్స్ ఫిల్మ్ ఫెస్టివల్ లో సందడి చేస్తున్న విషయం తెలిసిందే. ఫ్రాన్స్ లో జరుగుతున్న ఈ ఇయర్ కేన్స్ ఫిల్మ్ ఫెస్టివల్ లో ఇండియా నుండి కూడా ప్రముఖ తారలందరూ కదిలివెళ్లడం జరిగింది. ఇదిలా ఉండగా కేన్స్ లో ప్రతి ఏటా ఫిల్మ్ ఫెస్టివల్స్ జరుగుతూ ఉంటాయన్న సంగతి తెలిసిందే. అక్కడికి దేశదేశాలకు చెందిన ఫిల్మ్ మేకర్స్ తమ సినిమాలను ప్రదరించడానికి వస్తూ ఉంటారు. అప్పట్లో టాలీవుడ్ నుండి బాహుబలి సినిమాను కూడా కేన్స్ లో ప్రదర్శించిన విషయం తెలిసిందే. ఇక రీసెంట్ గా ఈ ఫిల్మ్ ఫెస్టివల్ లో మంచి విష్ణు కన్నప్ప టీజర్ ని ప్రదర్శించడం జరిగిందని వార్తలు వచ్చాయి. ఇదిలా ఉండగా ఫ్రాన్స్‌లో జరుగుతున్న ప్రతిష్టాత్మక కేన్స్ ఫిల్మ్‌ఫెస్టివల్‌లో ఒక మలయాళీ చిత్రం ‘ఆల్‌ వీ ఇమాజైన్‌ యాజ్‌ లైట్‌’ (All We Imagine as Light) పోటీలో నిలిచింది. దాదాపు మూడు దశాబ్దాల తర్వాత ఓ భారతీయ చిత్రం కేన్స్ ఫిల్మ్ ఫెస్టివల్‌లో పోటీలో నిలవడం విశేషం.
కేన్స్ ఫెస్టివల్ లో మలయాళ చిత్రం…
ఇక తాజాగా కేన్స్ ఫిల్మ్ ఫెస్టివల్ లో మలయాళీ చిత్రం ‘ఆల్‌ వీ ఇమాజైన్‌ యాజ్‌ లైట్‌’ పోటీలో నిలిచింది. మూడు దశాబ్దాల తర్వాత ఓ భారతీయ చిత్రం కేన్స్ ఫిల్మ్ ఫెస్టివల్‌లో పోటీలో నిలిచిందని సమాచారం. ఇక కేన్స్ ఫిల్మ్ ఫెస్టివల్‌లోని ముఖ్య విభాగమైన ‘పామ్‌ డి ఓర్’ అవార్డుల కేటగిరీలో ఈ సినిమా పోటీ పడుతున్నది. గురువారం ఈ చిత్రాన్ని ప్రదర్శించారు. ఈ సందర్భంగా చిత్ర బృందం రెడ్‌ కార్పెట్‌ పై సందడి చేసింది. సరికొత్త కథాంశంతో మిస్టరీ డ్రామాగా తెరకెక్కిన ఈ చిత్రం విమర్శకుల ప్రశంసలు అందుకుంది.
ఫామ్ డి ఓర్ కేటగిరిలో..
ఇక ‘ఆల్‌ వీ ఇమాజైన్‌ యాజ్‌ లైట్‌’ (All We Imagine as Light) చిత్ర కథ విషయానికి వస్తే.. మానవీయ కథాంశంతో రూపొందిన ఈ చిత్రం అక్కడి ఆహుతుల్ని విశేషంగా ఆకట్టుకుంది. కేరళకు చెందిన ఇద్దరు నర్సుల కథతో ఈ సినిమాను తెరకెక్కించారు. పాయల్‌ కపాడియా దర్శకత్వం వహించారు. ముంబయిలోని ఓ నర్సింగ్‌ హోమ్‌లో పనిచేసే ఇద్దరు నర్సులు తమ వృత్తి జీవితంలో ఎదుర్కొన్న ఇబ్బందులను ఈ సినిమాలో ఆవిష్కరించారు. ఓ రోడ్‌ట్రిప్‌కు వెళ్లిన వారిద్దరు అనుకోకుండా ఓ అడవిలో చిక్కుకుపోవడం, ఆ తర్వాత జరిగే ఉత్కంఠభరిత పరిణామాల నేపథ్యంలో ఈ సినిమాను తెరకెక్కించారు. ‘పామ్‌ డి ఓర్’ కేటగిరీలో పలు అంతర్జాతీయ చిత్రాలు పోటీ పడుతున్నాయి. ఈ కాంపిటీషన్‌లో గెలుపొందే చిత్రాన్ని శనివారం ప్రకటించనున్నారు. ఇక మలయాళ ఇండస్ట్రీ లో కూడా ఈ ఇయర్ వరుస హిట్లు నమోదయ్యాయి. ఏకంగా ఈ ఏడాది ఐదు వంద కోట్ల సినిమాలు రావడం విశేషం. అందులోనూ ఒక ఇండస్ట్రీ హిట్ సినిమా కూడా ఉంది. ఇంతలో కేన్స్ ఫిల్మ్ ఫెస్టివల్ లో మలయాళ సినిమా ఈ ఘనత సాధించడం విశేషం.