HBD Karthi : కోలీవుడ్‌లో స్టార్ హీరో కార్తీ ఈరోజు తన 47వ పుట్టినరోజు జరుపుకుంటున్నారు. ఈ సందర్భంగా లగ్జరీ లైఫ్ స్టైల్ ఎలా ఉంటుంది? సినిమాల్లో నటిస్తూ కార్తీ ఎన్ని కోట్లు సంపాదించాడు? అనే ఇంట్రెస్టింగ్ విషయాలను తెలుసుకుందాం.
కార్తీ రెమ్యూనరేషన్
కార్తీ ఇప్పుడు ఒక్కో సినిమాకు 10 కోట్లకు పైగా పారితోషికం అందుకుంటున్నట్టు తెలుస్తోంది. అలాగే యాడ్స్ లో నటిస్తే కోటి పారితోషికం తీసుకుంటున్నాడు.
కార్తీ లగ్జరీ లైఫ్… హెల్పింగ్ నేచర్ కూడా..
కార్తీ ఆస్తి విలువ రూ.100 కోట్లకు పైగా ఉంటుందని చెబుతున్నారు. అతని వద్ద బెంజ్ ఎంఎల్ 350, ఆడి వంటి కాస్ట్లీ కార్లు ఉన్నాయి. సినిమాల్లో నటిస్తూనే సామాజిక సంక్షేమ కార్యక్రమాలు కూడా చేస్తున్న కార్తీ ఉజ్వవన్ అనే ఫౌండేషన్ ద్వారా రైతులకు ఆపన్న హస్తం అందిస్తున్నారు. దీంతో పాటు దక్షిణ భారత నటీనటుల సంఘం కోశాధికారిగా వ్యవహరిస్తున్నాడు.
అసిస్టెంట్ డైరెక్టర్ గా…
స్టార్ వారసులకు సినిమాల్లో సులభంగా నటించే అవకాశం వస్తుంది. కానీ టాలెంట్ ఉంటేనే ఉన్నత శిఖరాలకు చేరుకోగలుగుతారు అందుకు నటుడు కార్తీనే ఉదాహరణ. దర్శకుడు కావాలనే కలతో సినిమాల్లోకి అడుగుపెట్టాడు. మొదట్లో దర్శకుడు మణిరత్నం దగ్గర సహాయ దర్శకుడిగా పని చేశాడు. ఆయుధ ఖిషో సినిమాలో కార్తీ అసిస్టెంట్ డైరెక్టర్‌గా పని చేశాడు. అసిస్టెంట్ డైరెక్టర్ గా చేస్తున్నప్పుడే కార్తీకి హీరోగా నటించే అవకాశాలు చాలా వచ్చాయి. మొదట్లో ఆ అవకాశాలను తిరస్కరించిన కార్తీ తన తండ్రి శివ కుమార్ సలహా మేరకు బరుతివీరన్ సినిమాతో హీరోగా ఎంట్రీ ఇచ్చాడు. ఈ సినిమా కథను సూర్యకు సజెస్ట్ చేశారట అమీర్. కానీ సూర్య తన తమ్ముడికి ఇది మంచి డెబ్యూ సినిమా అని నిర్ణయించుకుని కార్తీని ఇందులో నటింపజేసాడు.
ఫస్ట్ మూవీనే బ్లాక్ బస్టర్
బరుతివీరన్ సినిమా బ్లాక్ బస్టర్ సక్సెస్ తర్వాత కార్తీ భయ్యా సినిమాలో నటించాడు. ఆ తరువాత తమిళంతో పాటు తెలుగు సినిమాల్లో కూడా నటించాడు కార్తీ. సినిమా సినిమాకూ తన యాక్టింగ్ టాలెంట్ ను మరింత మెరుగు పరుచుకుంటూ స్టార్ హీరోగా మారాడు. యుగానికి ఒక్కడు, శివ, ఆవారా, ఖైదీ, జపాన్ లాంటి కార్తీ తమిళ సినిమాలు తెలుగులో కూడా విడుదలైన హిట్ అయ్యాయి. దీంతో కార్తీకి టాలీవుడ్ లో కూడా మంచి ఫ్యాన్ బేస్ ఏర్పడింది.
25 సినిమాల్లో..
ప్రముఖ దర్శకులతో కాకుండా యువ దర్శకులతో పని చేయడానికి ఇష్టపడే నటుడు కార్తీ తన మొదటి 18 చిత్రాలలో విభిన్న దర్శకులతో పని చేశాడు. కార్తీ ఇప్పటి వరకు కోలీవుడ్‌లో 25 చిత్రాల్లో నటించారు. ప్రస్తుతం ఆయన చేతిలో అరడజను సినిమాలు ఉన్నాయి. మణిరత్నం దర్శకత్వం వహించిన పొన్నీస్ సెల్వన్ అతని మార్కెట్‌ను భారీగా పెంచేసింది.
కార్తీ నెక్స్ట్ సినిమాలు
కార్తీ నెక్స్ట్ ఖైదీ 2, సర్దార్ 2 చిత్రాలలో కనిపించనున్నారు. ఈ రెండు చిత్రాల మొదటి భాగాలు భారీ హిట్ కావడంతో కార్తీ అభిమానులు ఈ సినిమాపై కూడా ఆశలు పెట్టుకున్నారు. అలాగే నానల్ కుమారస్వామి దర్శకత్వంలో ఓ చిత్రంలో నటిస్తున్నారు. తమిళంలో తనుకరన్ దర్శకత్వంలో ఓ సినిమాలో నటించే అవకాశం ఉందని అంటున్నారు. కార్తీ బర్త్ డే సందర్భంగా ప్రేమ్‌ కుమార్ దర్శకత్వంలో తెరకెక్కుతున్న మెయ్యళగన్ సినిమా ఫస్ట్ లుక్ పోస్టర్ నిన్న విడుదలైంది.