Skanda:
యంగ్ బ్యూటీ శ్రీలీల గురించి ప్రత్యేకంగా పరిచయం చేయనవసరం లేదు. రాఘవేంద్రరావు దర్శకత్వ పర్యవేక్షణలో వచ్చిన పెళ్లి సందD అనే సినిమాతో టాలీవుడ్ ఎంట్రీ ఇచ్చింది ఈ ముద్దుగుమ్మ. తొలి సినిమాతోనే కుర్ర కారు చూపుని తన వైపు తిప్పుకుంది. ఆ తర్వాత మాస్ మహారాజా రవితేజతో కలిసి ధమాకా సినిమాలో నటించి రెండు సినిమాలతోనే స్టార్ హీరోయిన్ గా మారిపోయింది. ప్రస్తుతం ఈ ముద్దుగుమ్మ పలు సినిమాలతో ఫుల్ బిజీగా ఉంది. యూత్ లో ఈ బ్యూటీ కి ఉన్న క్రేజే వేరు.
ఇదిలా ఉంటే.. ప్రస్తుతం రామ్ పోతినేని – బోయపాటి శ్రీను దర్శకత్వంలో స్కంద అనే సినిమాతో సెప్టెంబర్ 28న ప్రేక్షకుల ముందుకి రాబోతున్నాడు. ఈ సినిమాలో శ్రీ లీల హీరోయిన్ గా నటించింది. అయితే ఈ మూవీ ప్రమోషన్స్ లో భాగంగా తన లవ్ గురించి ఓపెన్ అయ్యింది శ్రీలీల. గత కొంతకాలంగా శ్రీలీల ఓ డాక్టర్ తో ప్రేమలో పడిందని, ఆ తర్వాత అతడితో బ్రేకప్ జరిగిందని వార్తలు సోషల్ మీడియాలో పెద్ద ఎత్తున ప్రచారం జరిగాయి. ఈ రూమర్స్ పై స్కంద ప్రమోషన్స్ లో శ్రీలీల మాట్లాడుతూ.. తాను ఇప్పటివరకు ప్రేమలోనే పడలేదని, కాబట్టి బ్రేకప్ అనే ప్రశ్న తలెత్తదని సమాధానం చెప్పింది.
ఇప్పటివరకు తను ఎలాంటి రిలేషన్షిప్ పెట్టుకోలేదని తెలిపిన ఈ బిజీ హీరోయిన్.. తనకి ప్రేమలో పడాలని ఉందంటూ తన మనసులోని కోరికను బయటపెట్టింది. అయితే ప్రతి ఒక్కరూ తమ జీవితంలో ప్రేమ అనే దశను ఎంజాయ్ చేయాలని.. అలాంటి దశను తాను కూడా చూడాలని అనుకుంటున్నాట్లు చెప్పుకొచ్చింది. కానీ ప్రేమలో పడి ఆ మాధుర్యాన్ని ఆస్వాదించే సమయం తనకు ఇప్పుడు లేదని స్పష్టం చేసింది. అయితే శ్రీlee చేసిన ఈ వ్యాఖ్యలపై దాదాపు 10 సినిమాలను చేతిలో పట్టుకున్న ఈ ముద్దుగుమ్మ ఇప్పుడు ప్రేమ జోలికి ఏం వెళుతుందిలే..? అంటూ కామెంట్స్ చేస్తున్నారు నెటిజెన్లు.
Check Filmify for the most recent movies news and updates from all Film Industries.
Also get latest tollywood news, new film updates, Bollywood Celebrity News & Gossip at filmify