హీరో సుధీర్ బాబు – ఇంద్రగంటి మోహన కృష్ణ కాంబినేషన్ గురించి ప్రత్యేకంగా చెప్పాల్సిన అవసరం లేదు. ఇప్పటికే ఈ కాంబోలో రెండు సినిమాలు వచ్చాయి. అందులో ఒకటి ‘సమ్మోహనం’. సుధీర్ బాబు- అదితి రావు హైదరీ జంటగా నటించిన ఈ సినిమాకు పాజిటివ్ రివ్యూలు వచ్చాయి. బ్రేక్ ఈవెన్ ను అందుకుని నిర్మాతలకు స్వల్పంగా లాభాలు కూడా తెచ్చింది. సుధీర్ బాబుకు ప్రేమకథ చిత్రం లాంటి హిట్ ను ఇచ్చింది సమ్మోహనం. రెండో సినిమా ‘వీ’. సుధీర్ బాబు – నానీ మల్టీ స్టారర్ గా ‘వీ’ సినిమా వచ్చింది.
నానీ విలన్ పాత్రలో నటించగా, సుధీర్ బాబు హీరో పాత్రలో కనిపంచాడు. ఇది డైరెక్ట్ ఓటీటీగా అమెజాన్ ప్రైమ్ వీడియో లో వచ్చింది. దీని తర్వాత సుధీర్ బాబు- ఇంద్రగంటి మోహన కృష్ణ కాంబో హైట్రిక్ మూవీగా ‘ఆ అమ్మాయి గురించి మీకు చెప్పాలి’ వస్తుంది. ఈ సినిమాలో సుధీర్ బాబుకు జోడీగా సక్సెస్ ఫుల్ హీరోయిన్ కృతి శెట్టి నటిస్తుంది. షూటింగ్ ఇప్పటికే పూర్తి చేసుకుని, పోస్టు ప్రొడక్షన్ పనుల్లో ఉంది.
కాగా, ఈ సినిమా నుంచి తాజాగా ఒక అప్ డేట్ వచ్చింది. దీనికి సంబంధించిన ముఖ్యమైన అప్ డేట్ ను బుధవారం ఉదయం 10 : 07 గంటలకు ఇస్తామని మేకర్స్ ప్రకటించారు. ఒక వీడియోను సోషల్ మీడియాలో పోస్ట్ చేసి, రేపు ఉదయం అప్ డేట్ ఇవ్వనున్నట్టు ప్రకటించారు. కాగా రేపు వచ్చే అప్ డేట్ సినిమా రిలీజ్ డేట్ అయి ఉంటుందని భావిస్తున్నారు.
The wait is almost over!! Announcing the release date of #AaAmmayiGurinchiMeekuCheppali tomorrow 😊@IamKrithiShetty #MohanaKrishnaIndraganti @oddphysce @MythriOfficial @saregamasouth @benchmarkstudi5 pic.twitter.com/pD0SrrPOSz
— Sudheer Babu (@isudheerbabu) August 9, 2022