Indian 2.. ప్రముఖ కోలీవుడ్ స్టార్ డైరెక్టర్ ఎస్. శంకర్ దర్శకత్వంలో విశ్వనటుడు కమలహాసన్ హీరోగా నటిస్తున్న చిత్రం ఇండియన్ 2.. 1996లో కమలహాసన్, శంకర్ కాంబినేషన్లో వచ్చిన చిత్రం భారతీయుడు.. ఈ సినిమా అప్పట్లో భారీ విజయాన్ని సొంతం చేసుకొని.. ఊహించని రికార్డ్స్ క్రియేట్ చేసిన విషయం తెలిసిందే.. ఇప్పుడు ఈ సినిమాకి సీక్వెల్ గా ఇండియన్ 2 సినిమా రూపుదిద్దుకుంటుంది. తెలుగులో భారతీయుడు 2 పేరుతో విడుదల కానున్న ఈ చిత్రంపై అభిమానులలో అంచనాలు భారీగా పెరిగిపోయాయి.. ఇక ఇప్పటికే షూటింగ్ కూడా పూర్తి కాగా ప్రస్తుతం పోస్ట్ ప్రొడక్షన్ పనులను జరుపుకుంటుంది ఈ చిత్రం. జూలై 12వ తేదీన ప్రేక్షకుల ముందుకు రానుంది…
ఇండియన్ 2 నుంచి ఫస్ట్ సాంగ్..
ఈ నేపథ్యంలోనే ప్రమోషన్స్ కార్యక్రమాలను శరవేగంగా చేపట్టారు చిత్ర బృందం.. అందులో భాగంగానే తాజాగా ఈ సినిమా నుంచి ఫస్ట్ లిరికల్ సాంగ్ ను విడుదల చేశారు.. ఈ సినిమాకి సంగీతాన్ని అనిరుద్ రవిచందర్ అందించిన విషయం తెలిసిందే. ఈ పాట వింటుంటే గూస్ బంప్స్ గ్యారెంటీ అని చెప్పవచ్చు. ఇండియన్ 2 సినిమాలో సిద్ధార్థ్ , కాజల్ అగర్వాల్ , ప్రియా భవాని శంకర్, ఎస్. జె. సూర్య , రకుల్ ప్రీత్ సింగ్, బాబీ సింహ తదితరులు బడా స్టార్స్ భాగమవ్వడం గమనార్హం . తమిళ అగ్ర నిర్మాణ సంస్థ అయిన లైకా ప్రొడక్షన్స్ , రెడ్ జైంట్ మూవీస్ వారు సంయుక్తంగా ఈ సినిమాను చిత్రీకరిస్తున్నారు..
గూస్ బంప్స్ తెప్పిస్తున్న పాట…
పారా అంటూ తమిళ్ వెర్షన్ లో విడుదల చేసిన ఈ పాట వింటుంటేనే భాషతో సంబంధం లేకుండా..చాలా అద్భుతంగా ఉంది .. ముఖ్యంగా యుద్ధరణ భూమిని తలపిస్తున్న ఈ పాటను చూస్తుంటే సినిమా ఏ రేంజ్ లో ఉంటుందో ఊహించేసుకోవడం మొదలుపెట్టారు ఆడియన్స్ .. ఈ సినిమాతో భారీ విజయాన్ని.. అంటే భారతీయుడు సినిమా కంటే భారీ విజయాన్ని సొంతం చేసుకోబోతున్నారని చెప్పడంలో సందేహం లేదు.
డైరెక్టర్ శంకర్ సినిమాలు..
డైరెక్టర్ శంకర్ విషయానికొస్తే.. మరొకవైపు రామ్ చరణ్ తో కలిసి గేమ్ ఛేంజర్ అనే సినిమాని తెరకెక్కిస్తున్నారు. రామ్ చరణ్ ఆర్ ఆర్ ఆర్ వంటి సినిమాల తర్వాత చేస్తున్న సినిమా కావడంతో ఈ సినిమాపై అంచనాలు భారీగా పెరిగిపోయాయి.. ఇప్పటికే ఈ సినిమా కంప్లీట్ చేసి .. విడుదల చేయాల్సి ఉండగా.. శంకర్ ఇండియన్ 2 సినిమా షూటింగ్లో బిజీగా ఉండడం వల్లే గేమ్ ఛేంజర్ సినిమా పూర్తి చేయలేకపోయారు. ఇక జూలై 12వ తేదీన ఇండియన్ 2 చిత్రాన్ని విడుదల చేసి.. గేమ్ చేంజర్ సినిమా షూటింగ్లో పాల్గొనబోతున్నారు.. ఇక మరొకవైపు రామ్ చరణ్ తో ఈ సినిమాలో కియారా అద్వానీ జతకట్టనున్న విషయం తెలిసిందే.. ఇప్పటికే వీరిద్దరి కాంబినేషన్లో వినయ విధేయ రామ సినిమా రాగా ఈ సినిమా అట్టర్ ప్లాప్ గా నిలిచింది.. దీంతో మళ్లీ ఈ కాంబినేషన్లో సినిమా రావడంతో అందరిలో ఆసక్తి నెలకొంది.. ఒకవైపు స్టార్ డైరెక్టర్ శంకర్ మరొకవైపు గ్లోబల్ స్టార్ హీరో రామ్ చరణ్ ..వీరిద్దరి కాంబినేషన్లో సినిమా అంటే అందరి అంచనాలు పెరిగిపోయాయి .. మరి ఈ చిత్రాలు ఎలాంటి విజయాన్ని అందుకుంటాయో చూడాలి.
https://twitter.com/LycaProductions/status/1793243174883770542