టాలీవుడ్ యాక్టర్లు వరుణ్ తేజ్, లావణ్య త్రిపాఠి ఓ ఇంటివారు కాబోతున్నారని ప్రత్యేకించి చెప్పనవసరం లేదు. అందరూ అనుకున్నట్టే వరుణ్ తేజ్, లావణ్య త్రిపాఠి ఎంగేజ్మెంట్ జరిగిపోయింది. కొంతమంది బంధుమిత్రుల సమక్షంలో వీరి ఎంగేజ్మెంట్ జరిగింది. ఇక ఈ జంట దాదాపు ఏడేళ్ల నుంచి ప్రేమలో ఉన్నారని తెలుస్తోంది.
లావణ్య, వరుణ్ ఇద్దరూ కలిసి మిస్టర్ అనే సినిమా చేసిన విషయం తెలిసిందే. శ్రీను వైట్ల దర్శకత్వం వహించిన ఈ సినిమా ఆశించిన స్థాయిలో ప్రేక్షకులను ఆకట్టుకోలేకపోయింది. ఆ సినిమా సమయంలోనే ఈ ఇద్దరు ప్రేమలో పడ్డారని తెలుస్తోంది.లావణ్య త్రిపాఠి కుటుంబ నేపథ్యం గురించి నెట్టింట్లో ఆరా తీస్తున్నారు. డిసెంబర్ 15న 1990లో యూపీలోని ఫైజాబాద్ లో లావణ్య త్రిపాఠి జన్మించింది. ఆ తర్వాత లావణ్య ఉత్తరాఖండ్ లోని డెహ్రాడూన్ లో పెరిగింది. ఆమె తండ్రి లాయర్ వృత్తిలో కొనసాగుతున్నారు.
ఆమె తల్లి టీచర్గా పనిచేసి పదవీ విరమణ పొందారు. కాగా, ఆమె అక్క కమిషనర్ గా పనిచేస్తున్నారు. లావణ్య కు ఓ సోదరుడు కూడా ఉన్నారు. డెహ్రాడూన్ లో పాఠశాల విద్య పూర్తి చేసిన లావణ్య ఆ తర్వాత ముంబైకి షిఫ్ట్ అయింది. ఆ తర్వాత మోడలింగ్ పై ఆసక్తితో టీవీ షోలో కనిపించింది. ఆమె పాఠశాలలో చదివే రోజుల్లోనే 2006లో మిస్ ఉత్తరాఖండ్ టైటిల్ గెలుచుకుంది. ఇక 2012లో వచ్చిన అందాల రాక్షసి సినిమాతో టాలీవుడ్ లోకి ఎంట్రీ ఇచ్చింది లావణ్య త్రిపాఠి.
For More Updates :
Checkout Filmify for the latest Movie updates, Movie Reviews & Ratings, and all the Entertainment News