వివాదత్మక చిత్రాలకు మారు పేరు ఐన రామ్ గోపాల్ వర్మ ఈ సారి నైనా గంగూలి, అప్సర రాణి లు జంటగా లెస్బియన్ ఛాయలున్న ఒక చిత్రాన్ని తెరకెక్కించారు.
ఈ చిత్రం షూటింగ్ మరియు పోస్ట్ ప్రొడక్షన్ పనులు పూర్తి చేకుని ధియేటర్ రిలీజ్ కు ముస్తాబవుతుంది.
ఈ చిత్రానికి సంబంధించిన ప్రమోషనల్ పనులలో రామ్గోపాల్ వర్మ బిజీ బిజీగా ఉన్నారు. సెన్సార్ పూర్తి చేస్కున్న ఈ చిత్రానికి మల్టీప్లెక్స్ థియేటర్స్ విషయం లో చుక్కెదురయ్యింది.
ప్రముఖ మల్టీప్లెక్స్ సంస్థలు పి.వి.ఆర్. మరియు ఐనొక్స్ ల పై రామ్ గోపాల్ వర్మ తన ట్విట్టర్ వేదికగా తన అసహనాన్ని వెళ్లగక్కారు.
పి.వి.ఆర్. మరియు ఐనొక్స్ లు డేంజరస్ చిత్రాన్ని తమ ధియేటర్ లలో రిలీజ్ చెయ్యడానికి సముఖత చుపియ్యడం లేదు.
ఈ సంస్థలు దేశం లో ఉన్న ఎల్.జి.బి.టి. వారి మనోభావాలు దెబ్బతీసేవిధంగా ప్రవర్తిస్తున్నారని, దేశ ఉన్నత న్యాయస్థానం సుప్రీమ్ కోర్టు ఎప్పుడో ఆర్టికల్ 377 ద్వార వారిని కూడా సమానంగా పరిగణించాలని చెప్పినప్పటికీ, ఇలా చెయ్యడం సమంజసం కాదని ట్విట్టర్ వేదికగా పేర్కొన్నారు.